KONFEKOOP

Euskadiko Kooperatiben Konfederazioa (KONFEKOOP) Euskadiko kooperatiben mugimenduaren interesak biltzen, ordezkatzen eta defendatzen dituen erakundea da. Lan elkartuko, hezkuntzako, kontsumoko, nekazaritzako elikagaien arloko, garraioko eta kredituko 1.380 kooperatiba baino gehiago biltzen ditu, 61.000 langile baino gehiago dituztenak. KONFEKOOPek euskal kooperatiben ordezkaritza-organo gisa jarduten du erakunde publikoen, erakunde pribatuen eta, oro har, gizartearen aurrean. Haren helburuak dira eredu kooperatiboa sustatzea, ekonomia soziala indartzea eta Euskadiren garapen sozioekonomikoan laguntzea.